快樂秀秀

秀即SHOW的中文譯法, 在粵曲界, 出SHOW就是上台表演ｏ試想想做人日日如是, 毫無驚喜, 係唔係會悶咗D呢？ 所以有所謂節日的設立, 大家開開心心玩番日ｏ

出秀的原理, 其實都一樣, 係揾個好日, 企上台, 扮靚靚, 唱吓歌, 大家笑吓, 台下又拍吓手掌ｏ（據說拍手掌, 冲激D穴位, 是可以卻病延年, 黄SIR就是在黄滔先生的文献中, 揾到此拍手功秘笈, 所以練到而家拍掌都特別響過人也！）

有D識做嘅朋友, 親戚, 同學, 送來花牌, 果籃, 禮物, 利是, 真係收禮收到手軟ｏ有次黄SIR連冲涼液都收倒支, 唔知係唔係有人想提醒黄SIR要冲凉呢？

黄SIR送嘢俾人, 就睇果輪屋企有乜嘢多出泥ｏ有時D信用咭迎新, 有線續期, 收埋收埋D冇鬼用嘅電器, 揾張花紙包起佢, 送走咗！干手淨腳！可見做SHOW可愛之處！

黄SIR有D罐頭就泥過期, 我都會諗諗, 好唔好襯人出SHOW, 送鬼佐俾佢呢７不過一定要唔係幾熟至得！靚師妹同好朋友就梗唔得啦！

最普通實用的出SHOW禮物, 以前用錄音帶時就大包好多！而家用咗MD就細包好多矣！

有次我問個師妹, 佢出SHOW個果籃, 係咪要安排多D蕉呀？俾佢啋到我暈咁滯！