快樂秀秀 2

超伯話有D婆婆出SHOW, D仔呀, D孫呀, 鬼咁識做, 人人封封大利市, 計計埋埋收成幾皮嘢, 仲好揾過請番泥溉老倌, 你話吹漲唔吹漲！佢唱唔唱倒, 都冇乜所謂啦, 有一边大老倌唱俾你聽, 都算有交待矣！

有時見D老倌唱到冇晒癮, 佢交番泥嘅線口完全都唔啱, 大姐, 點唱呀？

有次有位我地識嘅叠水婆, 平日見佢講嘢把聲都沙過沙漠, 差D都聽唔倒佢講乜ｏ佢居然揾倒曾慧拍佢出SHOW, 拖到曾慧都冧埋！但在文化中心大堂及台前全部都係送俾佢嘅花牌及花籃, 真真有面子也！果SHOW仲係賣飛收錢做慈善果隻添ｏ你話搞笑唔搞笑ｏ

有次黄SIR去捧快樂秀秀塲, 聽完歌仲有餐免費消夜, 同D音樂師傅, 曲藝名家, 吹水食嘢, 快活過神仙, 真係多得呢班豪客也！

至於去社區會堂捧塲, 衰衰地都有包餅乾或者福麵, 重手D五公斤米一包都有, 有次黄SIR参加過一個敬老SHOW, 居然有封五十文大利是派, 獎勵D聽到尾嘅長者, 當年我未算長者（而家都未算！）, 但我聽到尾嘛！

呢D SHOW真係好過盂籣盛會, 派米派到D長者暈晒啦！有歌聽（雖然有D真係好鬼難聽, 但有獎品噃ｏ）間不中聽倒黃SIR呢D超班馬, 冇獎品都要捧場啦！係咪？