尋找快樂之源

今日看了一個小故事, 都幾發人心省ｏ

話說有條友, 成日自怨自艾, 怨天怨地, 嫌三嫌四, 諸多要求ｏ家人怕晒佢, 朋友怕晒佢, 人人怕晒佢ｏ

但佢又好鬼好彩, 撞倒個神仙ｏ神仙問, 咁你想點呢？條友話, 冇嘢想, 想快樂之馬ｏ

神仙二話不說, 立刻令佢杏色加橙色, 得番一支公ｏ朋友又全部離佢而去, 人人當咗佢發瘋, 令佢十分之痛苦, 乜嘢人生樂趣都冇！求生不得, 求死不能, 仲知道埋自已染埋愛滋果隻！

搞到條友就要吊頸之際ｏ神仙又出現！媽呢媽呢……..空！

全部剛剛發生之事, 原來只是幻覺, 條友一切回復以前一樣, 乜都冇變ｏ如此一來, 條友就覺得自已幸福非常, 有番家人, 朋友, 生活如常, 冇病冇痛, 快活過神仙！

原來世人大部份都好似呢條友咁, 要失去才識得珍惜, 要苦過才知道甜蜜, 要惨過先至知幸福ｏ

大部份人有得玩, 都自怨自艾, 怨天怨地, 嫌三嫌四, 諸多要求ｏ

誰不知, 知足常樂, 平常心是道ｏ

一切隨緣, 就是快樂之源矣！

大家聽完禮拜日, 黄牧師講道, 係唔係有小小感悟呢？吓？