快樂秀秀 4

黃SIR見過有位曲藝老師, 自已都唱到鬼五馬六, 居然可以滾倒大把學生, 真奇事也ｏ這位老師, 我聽過佢两年免費SHOW, 两年佢都話抱病出塲, 跟住一出聲, 完全冇唱工, 難聽到死, 又自加哪渣字, 哪渣腔, 咁都得, 真係政府要監管吓至得ｏ但跟住佢改咗係西灣河文娛中心搞, 得幾百位, 居然賣飛收錢, 聽過D都呻笨！咁都好, 黄SIR唔駛去聽呢D渣嘢！

自從呢D友都賣飛收錢, 搞到D真正專業唱家冇啖好食, 有鬼人肯買飛聽呢D友唱咩？結果咪又係送飛俾人收科, 好多深圳曲藝社, 收晒D唱口錢, 又去賣飛收多筆, 搏D唱口唔夠飛派, 再半價攞飛ｏ

有好多業餘唱口, 唱到稍為好小小, 去賣飛博一搏, 揾多幾位多學生的老師去幫手賣飛, 封咗𧵳本門也ｏ

呢尾嘢, 奉勸大家, 想都唔好想ｏ靠唱粵曲揾食, 似乎都冇乜边個得, 有幾多個尹光吖？

搞SHOW去賺錢, 真係好鬼難揾觀眾也ｏ

不如就安安份份, 搞吓快樂秀秀, 大家開開心心玩吓仲好啦！係咪？

揾個社區會堂, 送埋五公斤米, 兼封五十文大利是, 包你塲塲爆滿！人人讚好戲！