嫦娥應悔偷靈藥

《嫦娥》
李商隱
雲母屏風燭影深
長河漸落曉星沈
嫦娥應悔偷靈藥
碧海青天夜夜心

中秋節離不開月亮, 月亮也離不開有嫦娥的故事, 據說嫦娥就是偷了王母娘娘賜給佢夫婿的靈藥, 食咗之後, 飛鬼咗上月亮廣寒宮, 從此歲歲年年, 孤單獨守房, 寂寞地一個人生活！此所謂, 嫦娥應悔偷靈藥, 碧海青天夜夜心也ｏ

世事有時好定唔好, 都好鬼難界定, 嫦娥昇咗上天, 做了神仙, 守住月殿, 本來就是件好事ｏ做神仙噃？黄SIR唔係成鬼日話想快活過神仙咩？相信神仙一定好鬼快樂吧？點解又話佢苦呢？

原來世人又有, 只羨鴛鴦不羨仙之語ｏ 一個人, 孤零零, 住在一大間廣寒宮, 又真係冇趣之至！想揾人夾番支粵曲又唔得, 想揾人跳番PART舞, 又冇PARTNER, 認真冇趣之至也！

有時黃SIR見倒一D在舞塲, 請大陸師傅陪舞的女人, 眼見有D師傅, 奇貌不揚,仲樣衰衰咁, 仲要俾錢請佢陪跳, 真係認真犯賤也！𣎴過連嫦娥咁鬼正, 都要碧海青天夜夜心, 相信做個普通人, 都冇乜計矣！寂寞之故也！