因噎廢食

黄SIR 身边有D朋友. 看到了新聞, 出了事故, 就時會批評, 應早就唔好去做ｏ

例如日前有一位小妹妹玩體操出了意外（意外即意料之外啦, 乃防不勝防之事也！）於是有人就批評早就不應玩此高危之運動！

正如旅遊事故, 經常發生ｏ遇到地震, 海嘯, 交通意外, 死人冧樓, 此乃意外！總不能從此不外遊, 不玩樂也！

因噎廢食的想法, 根本上是不健康, 不適當！

人生在世, 只能隨心之所安去行事ｏ總不能畏首畏尾, 船頭就驚鬼, 船尾就驚賊,船中間又驚沉ｏ 咁樣做人, 又有何樂趣可言呢？

正如有D人考慮結婚, 又驚呢, 又驚路ｏ 驚個老公會不忠, 又驚個老婆會走佬！

生仔又驚毒奶粉！驚佢養唔大, 大又怕佢會壞！唉！驚到連婚都唔敢結, 結咗都唔敢生細路！咁點做人呀？

做人就梗會老, 會病, 會死啦！又驚得幾多呢？

最近黄SIR無啦啦冲完涼, 瞓醒覺, 成身出風（難！）又痕又腫, 唔通以後唔冲涼咩？

近日玩得兩玩, 隻腳一踏落地就痛到死ｏD人就乘機話跳舞出事！以後咪鬼跳舞！哈！呢班人仲利害過医生！医生只話係（刃）帶發炎, 休息吓, 食D鎮痛消炎藥, 好番就冇事！D人竟然一嘢就判黄SIR跳舞死刑ｏ如果黄SIR EQ低D都唔識應付也！

經常有D閒言閒語, 叫人因噎廢食, 你話聽得幾多呢？吓？