良相與良医

古人教人有云: 不作良相便為良医ｏ意思即是如果你閣下立志去幫人的話, 最好就做一個好的相國, 即一個高級國家領導人, 為大眾謀幸福ｏ但如果做不來的話, 第二選擇, 就可以做一個好的医生ｏ

最近黄SIR無嗱嗱出了一身風疹, 又痕又癢, 走去地鉄站一間夜診去求医ｏ誰料所遇医生異常細心, 問清楚病情就斷症下药ｏ一招搞掂, 吃了药, 瞓醒覺, 完全康復ｏ護士小姐吩咐, 無事停藥, 食剩咗D藥丟咗了事！黄SIR深深的感到良医的可貴也！

日前玩吓玩吓, 發覺右腳初初小小唔舒服ｏ一夜起身, 踏落地痛到飛起ｏ自已細心檢查吓膝盖骨頭有冇事, 發覺不是骨傷, 但踏地有肌肉撕裂的痛楚ｏ

剛剛又BOOK佐去澳門完两日, 唯有紥住出發！以免掃興！如是者跛吓跛吓玩完两日先返港去睇醫生ｏ

今次又係坑口地鉄站医生, 另一位年青港大畢業医生ｏ佢望聞問切, 斷定是肌肉發炎ｏ開了些消炎止痛加胃药ｏ

又係藥到病除！偉大之極！

真係𣎴由黃SIR唔講一句！良医万歲！

良医真係一十分偉大的職業也！