痕生之禍

本來世界好地地, 睇完奧運, 先泥單毒奶, 小朋友腎結石, 好彩唔關自已事ｏ跟住又金融海嘯, 又好彩信佐間蠢到唔明乜CDO CDS 的痕生銀行（仲買埋呢隻永桓都生的銀行！真幸福也！）, 又唔關自已事ｏ

跟住睇見雷曼迷你債券苦主上街, 又見荷蘭銀行推D雷曼迷你債券苦主出門口！（等於賭塲推D賭輸咗嘅客去後巷柄！咁都得？起碼都送將船飛俾人返歸至有人情味啦！）

黃SIR睇完又暗笑, 話明荷籣（好難！）, 聽個名都應該咪鬼幫襯啦（再讀歪D音加個BAY字, 你話讀成乜嘞！……….好X悲也！）

黃SIR係六七十年代, 仲後生果陣見過D什么廣東信託事件, 又見過八十年代什么海外信託事件, 以後一見有信托两字的產品, 黃SIR都唔吼！

你諗吓, 話到明你信佢, 佢就託你（水龍！）咁你都擺D錢落去, 輸晒都抵你死啦！唔怕生壞命！至怕改壞名也！

誰知消息傳來, 呢間痕身银行居然投資了華盛頓的債券！令次真係身痕嘞！

唉吔吔！乜話明身痕嘅銀行, 黄SIR都會落叠呢？（又話睇個名可避吉凶？）乜吹水嫁咋？

諗諗吓, 唔怪得前果排黄SIR出風疹啦！

身痕！痕身！吹漲！

早知出風疹出晒貨, 慳番一股成十幾廿文嫁！