測名奇術 3

大家不妨留意吓, 人的名的確好有研究價值嫁ｏ

大陸將美國總統譯咗做布拾！所以你見佢而家咪拾吓拾吓, 搞出個金融海嘯呢個大頭佛囉！

D日本人古古怪怪, 改埋D名, 笑死人冇命賠！

有位小姐叫做長崎良美, 你就千祈咪鬼借錢俾佢, 你想佢還就難矣哉！因為佢長期都在糧尾, 點有錢還呀？

日本武俠片主角, 有位紋次郎, 成日咬住一條長長的草！一去到廁所就大開殺戒！正一聞厠郎也！

至於D食野太郎, 大卷次子, 吉村富郎, 都係得啖笑！

香港當年政府有個部門, 就鬧出過笑話！

呢個部門叫做………民政司署！嘩！大佬, 揾笨咩！聞正私處！仲食得落飯？結果政府立即改, 簡稱民政署就算！

中國人改名, 係好有學問, 改個名改得好, 就事事順利, 有D人改錯名, 成世冇運行！唔到你唔信也！黄SIR就知以前沙頭角村長個女ｏ叫李愛！結果冇人肯娶佢囉！

黄SIR有位朋友姓劉ｏ佢老豆唔知點搞ｏ叫佢做皇馬ｏ結果咪去佐雷曼兄弟處做財務總監囉！

香港有個什么機構ｏ個負責人姓范名統！真俾佢激死也！