測名奇術 2

講開測名奇術, 當年有次黄SIR去澳門賭狗仔, 都唔知買乜, .睇吓個水牌, 有隻狗名叫黑椒牛栁, 好鬼冷, 黃SIR準備買連嬴位, 要拖多隻, 都唔知拖乜好, 睇睇吓, 原來有隻狗叫鉄板燒ｏ

咁就一於黑椒牛栁鐵板燒啦！果然單Q中正！派成千幾文, 全程洗費有著落！快活過神仙！到今時今日, 講番都非常興奮也！

又有一次在香港賭馬, 當年又係初哥, 乜都唔識ｏ見倒有隻馬叫做永勝, 永勝！永勝！即係永遠都勝利！呢隻馬出親黄SIR都捧佢塲, 整吓整吓, 隻馬做埋馬王添！而家副骨在跑馬地博物館有得睇！堅料泥嫁！

講到買股票, 當年有個經紀, 猛叫黄SIR炒隻佳寧！黄SIR一諗, 皆零！皆零！一切都得番個零！你都咪鬼搞亞叔！又避過了一刼！

以前日本有隻油船叫遲早丸, 即係遲早完, 後來唔知點搞, 沉鬼咗！正一遲早完也, 一D都冇錯也！

南韓有位影帝叫做朴魯直！當年南韓片冇乜人睇, 套套票房都仆到直！賣座奇惨也！信不信由你！

所以用名測前程, 雖然係無乜科學根據ｏ但在現實生活, 經常都揾到好多, 好準確的例子也！