測名奇術
2008/10/04 22:22:59
網誌分類:
時事
記得年幾前好多新股上市, 黄SIR都係睇吓個名, 測吓個名就入紙申請, 差不多隻隻都賺錢o
最妙係有一隻叫什么飛毛腿(個冧把都唔記得了!)好似係做電池溉, 買佐之後o黄SIR心頭一澟, 飛毛腿!飛毛腿!佢走鬼咗佬, 點追?上市第一日, 一有錢賺, 走夾唔(口斗)!過得一排, 睇吓個股價, 跌到亞媽都唔認得!測名有時都好靈嫁!
正如有隻碧桂園, 地產股, 當時炒到飛起, 黄SIR一度, 住屋最弊係迫!又貴!又玩完!即刻出貨!又避了一刼!
正如改名一樣, 改壞名就一世冇運行矣!
成龍有個仔叫房祖名, 如果佢將來咁好彩生對孖女, 咁一個改名叫做……房地美, 一個叫做……..房利美啦!咁就一定一世冇衰嘞!因為點衰, 都有美國政府撐也!
正如吳綺x同 房先生(大家知道边個房先生啦!)有個私生女叫做 吳卓林(啅 即廣東俗語食住的意思!)即吳綺x一定要食住林鳳x也!呢個名好有意思嫁!明冇?
至於姓徐嘅, 黄SIR話, 就一定唔可以改個單字名o 富哥!你知點解啦!
姓王, 黄SIR話, 就切戒叫 八蛋也!
姓趙, 黄SIR話, 就咪鬼叫 完鬆啦!
至於小弟姓黄, 如果改咗個名做亞綠, 咁就呢世都唔好做医生了!費事害人啦!
嘻嘻!
回應
(0)
我要發表