測試恆指底部

信報曹仁超﹕

過去歷史低位必需Re-Test。10676點必須面對考驗，企得住再算。通常需要五至七星期。即五到七星期內恒指唔再創新低，10676點先算係強力支持；即最早明年1月，最遲明年3月先知道本周10676點係咪見底（只有1987年10月股災，Re-Test喺三十四個交易天後便出現）。投資者唔使估底，只需等候Re-Test便可。如喺五至七星期內恒指低於10676點，即最近幾天只係一次強力反彈。有咗呢個武器，你便唔使加入估底行列。

展望未來，

一、美國房價再下降10％至15％機會好大，即次按產品還會出現新問題，債務市場還將惡化；

二、美國信用卡負債9000億美元，美國運通集團估計，無法償還貸款達20％。

至於汽車及其他消費債務1.5萬億美元，無法償還消費貸款數字亦在上升。

從呢點睇，明年經濟不但唔會好轉，反而喺度惡化中。

~~~~~~~~~~~~~~~~~~~~

信報曹仁超﹕ 

過去一年，分析事物最準確係Nouriel Roubini：

一、佢响10月24日估計未來美國經濟衰退係L型。

二、佢認為道指將由近日高位9600點再跌20-30％。

三、佢認為2009年秋季美國經濟才見底。

四、唔好投資商品、股票、物業，最吸引係日本政府債券，並建議响適當時刻放棄美元，改為持有歐羅。

五、佢認為全球股市進入功能失調（dysfunctional）期。

六、佢擔心情況較佢估計更壞（去年佢嘅形容係金融列車出軌，即逐個車卡出事）。

七、退休金損失30-50％，令退休人士大受困擾。

八、經此一役，好多人從此唔再涉足投資，令大氣候改變。

~~~~~~~~~~~~~~~~~

股票必勝法

葉天為方進新在股壇的朋友，炒股的技術高超，但亦因股票致家散人亡而精神失常。傳授展博所學的股票心得，使展博在股市中的能力大增。臨死前傳授展博一首稀奇古怪的詩，叫「股票必勝法」。

最終方展博憑電腦分析「股票必勝法」後得知其意，意思甚有警世意味。

破解後的「股票必勝法」電腦字幕：

股市原意，乃讓集資搜資有其地，社會向榮，人皆有賺，惜人性貪婪，耗盡心思，巧取豪奪，樂土成煉獄，血雨腥風，殺戳不息，無數人蕩產傾家輸性命，勝者則喪良知人格，余於股壇數十載，未嘗見一真正鸁者，智者應知此乃一處永無贏家之戰場，取勝唯一法……「及早離去」四字而矣！(轉貼)

~~~~~~~~~~~~~~~~~~~~~~~~~~~~~~~~