嬴定輸？

經常有D朋友見黄SIR去馬塲玩, 去澳門玩, 去打麻雀, 就多口問句, 嬴定輸？

有時黄SIR脾氣唔好, 就𣎴禁頂番一句, 輸有乜好玩？

依然有D人不識趣？咁你嬴硬乎？

黄SIR其實心中對此類人十分討厭！嬴輸又關你事？乜得你咁死八？（通常都係輸咗至唔好老脾！）

有D仲唔識趣！哦！嬴咗就請飲茶！（黄SIR當堂吹漲！咁話輸咗, 係唔係你請我先？乜得世上有D咁搏懵嘢嘅人？ 天呀？ 乜得黄SIR又咁好彩識倒閣下呢？）

所以黃SIR就諗倒幾句應酬語, 去應付呢類蠢材！

哦！和和果果啦！（边有咁死啱嫁！即係輸咗小小！）

哦！嬴咗玩啦！（即嬴咗D錢用番泥玩嘞！咪鬼叫我請飲茶呀！）

哦！嬴咗快樂啦！（即係冇嬴到錢啦！仲問？五行欠柄乎？）

如果閣下有幸聽見黄SIR呢D應酬話ｏ

希望不要再問！好唔好？

否則！哼！……..