不重要 與 最緊要

大家有冇留意, 根本上有D人說話是可以胡說八道, 亂吹一通, 都冇人會覺ｏ

君不見在電視出現的政治人物, 當有大件事發生時, 有記者問佢, 死咁多人, 是不是有人要負責呢？

果位大佬就會話, 有冇人要負責（不重要）, （最緊要）係而家諗下日後可不可以死少D人呢？

咁諗唔倒是不是要負責呢？ 負不負責（不重要）,  （最緊要）是……

…..不重要,   最緊要…..

套入了這個模式, 根本人地問乜你都可以話（不重要）, 你想講乜就話佢（最緊要）就實掂嘞ｏ

正如一條靚仔可以同亞媽講, 考不考倒第一不重要, 最緊要係老師話我乖ｏ

老師話唔話我乖也不重要, 最緊要係亞媽你身體健康…..

亞媽你身體健康也不重要, 最緊要係亞爸身體健康…….

諸如此類, 你明啦

所以我話你睇唔睇人地網頁唔重要, 最緊要嚟睇吓我個BLOG

咁就學倒嘢啦, 朋友ｏ

 嘻嘻！