應對如流 2

有時做人, 真話講不得, 只能講D背語ｏ

正如韓信問謀士, 我個相如何？謀士話: 相君之面, 不過封候ｏ相君之背, 貴不可言！背者背叛也！韓信咁醒一聽即明, 但犯了婦人之仁, 不忍背叛劉邦！惹下殺身之禍！此乃後話！但後人就因此事學懂了應對之道矣！

有陣時做人唔可以講得咁死白, 只能講D唔關痛癢之意見, 正如有人請教黄SIR幾時入市（股市）黄SIR例牌就係, 一定要趁低吸納（點至叫低？我點知噃！）一唔係就分段吸納！（做錯了一次, 仲可以錯多幾次！包冇失拖也！）

老人家教落, 應世之道, 逢人就要減歲, 遇物就要添錢, 見倒條友老到死吓死吓, 只能講句: 閣下時正當盛（剩）年也！打老虎都可以打死幾隻也！（用三聚氰X毒死佢就得！）

超伯都好受人地話佢似七張零之馬！（呢個又幾符事實噃！）

好多D女士叫人估佢幾多歲, 通常都係希望你估少佢三五十年, 你如果唔識做！聽俾人啋啦！黃SIR就冇咁笨！

明明見佢一定更年期都過晒, 同埋個孫一齊, 都話佢地似係两母女, 甚至两姊妹至得也！一個唔該俾佢個孫窒番句！乜我似好老咩？真係講多錯多也！

對D肥人, 佢問肥咗定瘦咗？就一定要話佢 瀟湘咗！（瀟湘 好多人都唔知係乜準則也！亂吹可也！）

對 D瘦人, 佢問肥咗定瘦咗？就一定要話佢 豐滿咗！（豐滿 好多人亦都唔知係乜準則也！亦亂吹可也！）

呢D就係正宗應對如流矣！