應對如流 3

黄SIR有時聽D人打電話上電視臺問股票, 主持人例牌先問, 你買定賣先？（黄SIR按: 其實人地問你隻股票點, 你照直講就得啦, 你理鬼得我買定賣呢？分明就見人就講人話, 見鬼就講鬼話！江湖招數！）

買咗就先報上入貨價, 例如匯豐150文買咗, 主持人立即有反應, 咁高入咗牙？咁就要坐一陣先嘞！（黄SIR按: 係人都知而家跌到死死吓. 得番八九十皮啦！仲駛你講？, 條友輸到攤攤腰, 都六神無主！任得你點矣！150文, 高？ 駛鬼你講咩？正廢話！）

有陣有D師奶好彩八十皮入咗匯豐, 問佢點！佢話: 咁你長線定短線吖？長線就等埋收息先啦！短線就賺咗先啦！（黄SIR按: 咁即係賣又得！唔賣又得！你講晒啦！正廢話！）

呢D專家就認真易做矣！

如果黄SIR係街俾人問, 點去將軍澳医院？

黄SIR先問, 趕唔趕時間先, 係唔係急症先？死唔死得先……

係你有事吖？定話去探病呢？……

想快就CALL十字車, 唔趕就行路, 有錢就搭的士, 冇錢就坐巴士…….

咁多癈話！唔俾人柄就有鬼了！

但D專家講, 就有人聽, 有人信！

黄SI講就…….. 俾人柄！

真真吹漲也！