恆指/道指 (21/11/2008)

股神畢非特名言：「在人人恐懼時貪婪。」 

大行齊齊大合唱造低#388港交所同埋#5匯豐銀行, 背後有利益關係, 佢地講得出, 一定做得到, 10月同11月是accumulator的接貨高峰期, 接貨的投資者肯定會一接即沽, 港股下跌是唯一的出路, 會反覆向11000樓下進發, 但大市會上上落落引人接貨, 而不會咁快一野插落去, 現階段入市炒波幅, 有賺要即閃, 忌貪.

dai dai 兄分析:

美國選舉完咗，塵埃落定，森哥就放軟手腳。對圖表稍有認識嘅人，都感覺到尋晚美股會大插插，結果道指埋單跌444.99，眾望所歸。

一向以打開口牌出名嘅Ｘ摩，一反常態，係期指結算前，比中移動買入評級，但目標價不變，今日相信仍會低開，但小心一記回馬槍，做淡者今日要小心啲。

金兄分析:

估計大戶頂住匯控$78，中移動$68，先派一輪貨，暫時估計無可能殺上12877超過一小時。預計12877好難突破，如果大戶可以在12877買貨頂超過一小時，平淡倉走人，睇定再算。昨日太多老散追沽，大戶無理由唔挾一挾上去先殺一轉即市淡友，佢地只要插穿12677收市，淡勢依然不變。  

stephen 兄分析:

~ 恒指會下試11500/11200

~ 日圓好強  已穿95   每逢96下面就引起拆倉潮   港股會大插   大反彈無望

~ 中國人壽下望 $18.5, $18.2

轉貼 ~ 劉兆祥:

今天港股表現誇張, 低開後可以在半小時內大升千點, 如果在細心分析, 恆指主要升幅集中在12:18至12:24, 差不多每分鐘上升百點, 而每分鐘的成交量只是在8百張水平, 即大戶只需掃入8百張, 便能將指數推高百點(以每張期指按金17萬計(如果是即市可以更平), 每分鐘實際動用資金只是1.36億元, 整個掃上過程不需十億元, 便將指數推高超過五百點), 可見本港股市極容易受操縱.

至於大市反彈上萬三點, 是否雙頭已經完成, 其實12800點是兩大阻力區, 如果突破, 或反映調整完成, 否則只是大跌至萬一前的最後離場機會, 而下週期指結算, 看大戶部署, 似乎希望指數在萬二之上轉倉, 但轉倉後究竟會否繼續尾底之路呢?

~~~~~~~~~~~~~~~~~~~~~~

21/11/2008

隔晚道指跌445點   收報7552

恒指低開   但跌幅太少  A股大跌都唔跟  有古怪

恒指最低做11814 (跌485點)   最高做13048 (升749點)  高低波幅達1234點

恒指最後上升360點   收報12659

港股俾大鱷玩晒   舞高弄低隨心所欲   完全操控大市   佢話點就點   令人氣憤

~~~~~~~~~~~~~~~~~~~~~~~

美股走勢正如昨日所料，破位向下，杜指今次跌穿8000點的大位，並向下急滑，極度樣衰。上次10月3日跌穿10300點的大位時，7日後跌到7882點的低位，跌幅23.5%，如果今次穿大位有同樣跌幅，要跌到6120點! 即使唔好睇得咁誇張，都要先睇吓杜指守唔守得住7000點大關。(轉貼 ~ 陸Sir)

信報曹仁超﹕

過去歷史低位必需Re-Test。10月27日10676點必須面對考驗，企得住再算。通常需要五至七星期。即五到七星期內恒指唔再創新低，10676點先算係強力支持；即最早明年1月，最遲明年3月先知道本周10676點係咪見底