求神拜佛

有朋友想學佛, 問計於黄SIR, 又謂什麽什麽居士, 什麼什麽禪師, 佛法高深, 剩係D專有名詞已嚇死人！令人無法理解ｏ

誰知黄SIR明白的佛法是佛在靈山不遠求, 而靈山只在汝心頭ｏ一個人能明白了生活, 根本上就是明白了佛法了ｏ

如果真係要了解佛法, 就要去由釋迦牟尼得道及佛法傳授去理解, 這才是正確學佛的方法！向經書及高人求開悟, 已屬落於下乘矣！

君不見釋迦牟尼先生, 化了十九年在菩提樹下, 忽然一日頓悟人生ｏ睜開雙眼話:奇哉怪也！原來眾生皆可成佛（原來人人都得嘅！）, 只有執着, 虛妄者皆不得証！（即係佢地唔識諗, 執着, 私心太重,才成不了佛）ｏ於是釋迦先生知道了這個大道理ｏ（其實如果佢聰明, 根本唔使花十九年, 一秒都掂喇ｏ）於是開始吹水扮鬼扮馬宏揚佛法, 令到人人信服, 以佢為師, 成立了地球上最多信徒的佛教, 這就是佛教的起源了ｏ

明白了這個道理的人就是智者, 就是菩薩, 成佛了ｏ‧

到了釋迦牟尼先生要揾繼承人的時候, 旁邊有好多很迷佢嘅FANS（因為呢班係羊牯！）佢一個都唔揀, 因為呢班友仔多是低智聯, 如果高智嘅,一如黃SIR之流, 根本唔會崇拜佢ｏ

後來在一次講學中, 台下十万人聽到如痴如醉ｏ當佢在台上拈起一枝花, 大吹特吹佛法精妙之處之際ｏ台下只有一個學生迦葉專者, 微微一笑, 聽佢都儍, 釋迦先生（佢係最聰明之人）就知呢條友知道了佢D秘密, 又冇道破, 只是笑吓（即忍得口）可以傳衣砵了ｏ

於是迦葉尊者就做了佛教第二代之傳人ｏ

呢個故事就是說明了佛教的奥秘了, 你明未？小弟道破了此玄機, 一定俾班低智聯攻擊, 不過小弟巳無所求ｏ道破又如何, 至多成不了佛ｏ

所以有時人地講神講佛, 小弟都笑而不答, 因為黄SIR都有迦葉的智慧也ｏ