佛學八苦

佛學有所謂八苦,

何謂八苦？

先談人生四苦, 生, 老, 病, 死ｏ

其實呢四苦都冇乜料到, 人人皆知, 費事嘥口水ｏ

但吾友釋迦茂里先生就話有多四樣ｏ就係:

愛別離苦 （即係同自己喜愛的人, 生離死別就會痛苦了ｏ即係話唔痛苦果個都唔係人泥嘅, 痛苦係好正常, 正常過正常, 根本唔駛隱瞞, 唔駛內疚, 話俾人聽都唔駛怕, 大把人會同情你, 甚至安慰你, 有D好到俾錢你駛, 請你飲茶食飯之類ｏ所以有痛苦, 唔駛估, 正常事矣ｏ）

怨憎會苦 （呢個就係當黑就會遇倒ｏ一個唔好彩就會識倒D令你怨恨的人ｏ例如一D怨偶, 結咗婚, 日日鬧交ｏ男嘅去滾, 女嘅去賭, 仲唔痛苦ｏ一唔係識埋D損友, 成日屈你呢樣果樣, 冇個好人, 真係痛苦了ｏ一唔係打工遇到D衰老細, 衰同事, 真痛苦, 好彩果D就遇少D, 好似小弟咁遇親都好人, 真係好夠運ｏ）

求不得苦  （想得到果樣就冇果樣, 仲唔慘？想嬴馬, 变輸馬, 好鬼痛苦嫁ｏ我就經常受此苦嘞ｏ）我己經寫咗一篇點破解呢種痛苦嘅文章, 在 隨筆, 網誌中ｏ

五陰盛苦  （當我們肉體或精神衰退時, 所產生的痛苦就係此苦了ｏ其實人老咗自然出現此情况, 無可避免, 只有接受, 忍受, 無可奈何也ｏ）

前面四苦, 生, 老, 病, 死, 人人有份, 冇得避ｏ

後面四苦, 好彩就遇唔倒, 或者遇少D, 識諗就苦少Dｏ識睇黃SIR D 嘢, 又能明白, 知道黃SIR有料, 就是有福唔駛苦咁多之人矣！

所以各位朋友, 應該樂天知命, 常懷感恩, 才可以快活過神仙也ｏ