佛學之不立文字
吾友釋迦牟尼先生傳了一生教之後, 奉勸接班人, 教外別傳, 以心傳心, 不立文字ｏ（意思即係, 如果你想教識人, 千萬不要寫低來教, 一定要用個心, 亦即用腦傳腦, 古人傻咗, 以為用個心諗嘢, 個心係用嚟泵血, 又點識諗嘢呢？即係雙方都要有腦, 才可以高智地溝通也ｏ）
如果一個高智联同一D低智联講道理, 只有激鬼死！
一旦寫低咗, 就更麻煩了, D低智联全部理解錯晒！ 正如道家講丹田, 有D儍瓜道士, 就用爐火去練丹葯, 做鬼咗化學家ｏ（咁錯法, 都幾得意ｏ）
禪宗說傳衣缽, 世人就以為取得衣砵實物, 就可以得道, 六祖慧能, 俾班師兄弟追咗九條街, 要攞番五祖D衣砵ｏ 據記載六祖慧能, 於是放低衣砵在地上, 任班友攞, 結果冇人郁得, 拎唔起, 重得滯, 有符FIT也ｏ（你又知唔知有乜魔術呢？）黄SIR當然又識啦！（八風吹不動嘛！）
西方宗教仲離譜, 翻譯自希伯來文, 搞到耶蘇的母親瑪利亞小姐, 處女懷孕, 一D都唔科學, 夾硬要出神仙至搞得掂, 神的子女係要咁出世, 既然咁都得, 不如話由天跌落嚟, 仲方便啦ｏ（聽講最近教會研究小組要搞重譯ｏ）唔係處女, 而係少女, MAID字不一定譯作處女, 少女都得, 以前譯鬼錯咗, 唔好意思ｏ 死嘞, MAID字的希伯來文唔記得咗添, 黃SIR明明識格ｏ）
唔駛驚, D網友又有幾多個識希伯來文吖, 我機呢姑LU亂吹, 佢地都信以為真ｏ有好多人傻到以為我自大狂, 乜都話識, 唱嘢好過任劍輝, 跳舞好過皮禮士利, 我話識邊個邊個, 正一吹水王, 唔整蠱吓佢地, 仲有人嚟睇乎？
我話放下, 茶餐廳D伙計就放下杯奶茶, DHL就放下D貨係我門口, 個個人聽到放下, 反應都不同ｏ 我個女就最乖, 放下D錢俾我, 所以話以心傳心好鬼過癮, 一寫低, 就會俾人抽抨了ｏ
所以吾友釋迦牟尼先生叫人傳智, 要以心傳心, 不立文字, 係啱嘅ｏ
在BLOG上, 不用文字, 又可以點以心傳心呢？ 我諗ｏ
