恒指/道指 (27/11/2008)

大鱷部署左咁多野, 今日唔裂口高開都對唔住阿爺啦! 開波首先梗係夾死淡友, 之後企唔企得穩係另一回事, 要上破13580冇難度! 今日升幾多就要睇A股對今次減息既反應喇! 話晒過去兩天港股已經升左910點喇! 如果升多一浸, 高位點都會有回吐壓力.

好多時大鱷都會企係d大位前湧下湧下, 扮升唔上, 引人做錯事, 過兩日先殺! 殺! 殺! 咁多救市好消息, 有助大市回穩及反覆上升, 我認為短線好難插落去12000.

dai dai 兄分析:

恆指收13369.45升490.85，陰陽燭出現大陽燭（以最低開市價開出，升至最高價收市），利好，相信今日可以升穿20天線13616，並向保歷加通道頂15115.3前進。

小時圖阻力位分別係保歷加通道頂13520.3、SMA（100）13608及SMA(200) 14387。

金兄分析:

今日見14000點衝不破，即時沽出正股中線組合100%淨現金。萬四點開新局，先小注看淡買入16300收回的熊證，睇主要支持位13600，希望可以執四百點（我自己慣用四百點作一個回合）。估計應會見到13500左右爭持，13200成為好友最後防線，14200點唔容易升穿。未來日子跌穿超過13200超過15分鐘追沽。見14200回落亦追沽。

陸Sir

中環茶友話，近排好多散戶都睇淡，期指都沽左唔少啦，所以大戶就借住期指結算，趁機大夾淡倉，殺到明日就將淡友全部挾死啦。內地在昨日港股收市後公佈大幅減息，大戶更如有神助，今日應該會發力頂高等期指結算啦。

zipang / 團長分析:

~~~~~~~~~~~~~~~~~~~

27/11/2008

隔晚道指升247點

恒指大幅高開532點    尾市曾倒跌   競價時段抽番高   升182點    收報13552

今朝上證A升幅比估計少   應該係俾大小非減持拉低指數   由於A股今日以全日低位收市   會拖低港股

好友捱打左咁耐   今日抽高後會盡力頂住期指黎結算   會試衝14000  

阿爺重鎚出招   唔似只升一日咁短癮   但係大小非減持高位會出貨   影響A股表現

內地經濟放緩   中央出重招救經濟  

大幅減存貸息率1.08%   減幅為11年來最大

減存款準備金率   大型銀行減1%   中小型銀行減2%

利好重債企業 / 內房股  內房股早前跌幅巨大   反彈力較強

凈利息收入下降不利內銀股   但下調存款準備金率有助貸款增長   抵消不利影響

由於存款利率降低   不利保險股

中長期人民幣有貶值壓力

~~~~~~~~~~~~~~~~~~~~~~~~~~~~~~

陸Sir

熊市的反彈有時似模似樣，不要以為牛市已經來臨。 

美股連續第四天造好，油價回升、科技與汽車股的走強、加上奧巴馬在連續第三天的記者會上宣佈成立經濟復興委員會（Economic Recovery Board）挽救積弱的經濟，委任前聯儲局主席保羅沃爾克(Paul Volcker)為該會領導，大市在各種利好消息影響下止跌回升，下午越升越有，杜指由低而高倒升416點，至全日最高位收市。股市的好消息是油價反彈推高油股和候任總統奧巴馬公布的經濟鴻圖。中國和歐盟相繼宣佈了力度巨大的救市方案，中國勁減存貸利率1.08厘至5.58厘，這是11年以來的最大減幅。而歐盟委員會在布魯塞爾通過了大規模一攬子經濟刺激計畫, 

奧巴馬則委任高齡的前聯儲局主席沃爾克出任新設的經濟復興委員會主席，差不多把街外非共和黨系的經濟猛人盡收新政府內。

 杜指再上破那次反彈浪的高位，比７４４９點的低位反彈了１２７８點，反彈了呢一浪跌幅的５８％，若要反彈跌幅的６７％，就要升上８９２５點，由此觀之，杜指升了４日雖然距９０００點之位不遠，但要升穿９０００點兼穩守其上，難度不低。  講真，而家唔止奧巴馬的宣布慢慢出現疲勞，美國市場人士和國會議員對連番的救市措施，都出現「救市疲勞」

轉貼金兄分析:

每減一厘，銀行可以放四千億出街，加埋乘數效應，個市無端端多左成萬億流動資金，有水自然可以炒一轉，熊市反彈浪，可能維持三幾日都唔出奇。總之如果收市穿13500，或即市13600突然全無支持就失守彈唔返上去，就要小心反彈浪完結。今日下午可能再抽高都唔定，估大鱷會盡量抽高，先賺一轉由十一月由萬二點挾上來的好倉，然後部署十二月由萬四或萬五插落去走多一轉。今年咁差，陰謀論咁諗，基金經理年結就算做低些少係預左，若明年起步點低，例如只有萬一點，熊轉牛追上去可以賺多D表現花紅也。