佛學之求不得苦

人生最辛苦的莫如求不得, 所謂希望越大, 失望越大, 佛學有所謂: 求不得苦！此之謂也ｏ（仲記唔記得佛學有八苦呀！八苦！唔係 伯父！）

正如最近個年青教師求愛不遂, 跳樓自殺！就係求不得苦了！弄到身边D人同佢一齊苦！你話苦唔苦嘞？

所以做人想唔苦, 一定要到無求境界, 才可以得到快樂, 有所謂: 人到無求品自高是也ｏ

但人又點可以無求呢？乜都唔想, 做人仲邊有人生樂趣呢？所以梗有求嘅, 有求又要避開求𣎴得苦, 一定要有D橋至得ｏ

例如黄SIR喜歡賭馬, 但賭馬邊有實嬴嫁？（話嬴硬你都信, 咁鬼死蠢ｏ 點同黄SIR做朋友呀？）輸馬？ 咁豈不是又求不得苦？

嘻嘻！不是的, 每次小弟進馬塲之前, 一定對住塊鏡話: 天呀！ 求你今日保佑我輸馬！要輸馬！

大家咪以為 黄SIR SHORT鬼咗, 邊有人咁求嫁？

哈哈, 智慧就在此處了（唔係點做高智禪師呀？諗嘢同普通人一樣, 咪變鬼咗低智禪師？唔係咩吖？）, 如果當日真的輸馬, 求仁得仁！願望成真！何等快樂！冇咗求不得苦啦！

反之, 人生不如意事十常八九（注意 八, 九十個巴仙, 好大機會也！）ｏ 一個唔該, 嬴到開巷！豈不是又是求𣎴得苦？（有D友係都要, 乜都义倫住（挑戰的英文！）黄SIR！）

但各位想义倫住黄SIR的朋友, 要知道人類自從發明了金錢以來, 很多極大的痛苦, 都是可以用金錢來補償的ｏ何况求不得苦？

所以黄SIR每次入完馬場, 都快活而歸！就是這個道理！想义倫住黄SIR？冇咁易！

高智嗎？嘻嘻！

天日沙田百勝廳見！