玄學的真正功能

2008/12/01 00:38:17 網誌分類: 宗教

01 Dec

老子先生寫了一本道德經, 五千多字, 人類最高智慧已包括在其中了, 政治家讀通了就成就了帝王之術, 兵家讀通了就成就了兵法, 道家讀通了就成就了道教, 可見其利害ｏ

道德經有云: 玄之又玄, 眾妙之門, 就成就了玄學了ｏ

玄學就是利用風水, 命理, 測字, 占算, 摸骨, 等等去消災避禍, 其起源乃自周易文王占算開始, 周易有六十四卦, 去預言人生之吉凶ｏ乃周文王姫昌先生在獄中窮極無聊之作ｏ是為周易也！

以往民智未開, 通常是有知識的人, 掌握了人生的道理ｏ有必要向那些愚夫愚婦,指點迷津, 但如果苦口婆心去勸說, .言者沌沌, 聽者渺渺, 啋你都儍, 不如就裝神弄鬼, 假借權威（即神即仙甚至鬼怪！）問你怕未７若還不聽教, 包你有災難, 所以測字, 看相, 風水, 命理, 占算, 摸骨, 黄SIR全部都識ｏ（因為黄SIR博覧群經, 又能融會貫通也！近年多研馬經！）

通常有智慧的人, 能趨吉避凶, 根本同玄不玄學一D關係都冇, 玄學乃借口工具吧了ｏ

先說姜太公占算, 他的馬前課最有名ｏ

文王伐紂, 大軍出發時, 大風一吹, 帥旗折斷, 大家諗住死硬, 出師不利也ｏ好個姜子牙, 大喝一聲, 鎮定！等我占算一下, 看看是吉是凶ｏ（有二份一機會, 安軍心也）ｏ點知好衰唔衰, 馬前一課, 大凶！衰到貼地, 大家正想散BAND之際, 好個姜子牙向文王先生講, 主公剛才我所算者乃對手之命運, 佢地大凶即我地大吉, 此仗必勝無疑！如果測錯, 殺咗我算啦！

結果大家都知啦, 周朝就係咁開始啦, 大家仲明唔明玄學之道呀ｏ

再談面相, 韓信最風光時（迫漢王封佢做王）佢手下徹哥仔就同佢睇相, 佢話:相君之面（面漢王）不過封候, 相君之背（背叛）貴不可言！韓信咁聰明, 一聽就明, 可惜衰心軟, 不忍背叛, 結果被呂后所斬！但此故事, 就說明了相學的玄妙之秘了ｏ小弟曾替一無心向學的學生看相, 我話佢如果不改变學習態度, 一定有災難！佢冇聽, 結果咪肥咗佬囉！準啩！