棋局論英雄 之開局篇
2008/12/15 10:23:13 網誌分類: 嗜好
煲呔曾以棋局論政局, 引起黃SIR的談趣!因小弟細細個已精於此道!大把談資也o
一局棋通常分為: 開局!中变!殘棋三個階段!
開局即開首的數步, 行第一步, 喜歡攻的一定係當頭炮(即炮七或三 平五!)o不喜歡攻的可以飛象又得, 上馬又得, 篤卒又得!通常篤三路卒或七路卒就叫做仙人指路!篤一路卒或九路卒就分明睇唔起對方, 即讓番個先手俾佢!至於第一步就上士或者郁公就分明玩嘢!咁到得!吹漲對手!
而起炮在中宮, 觀棋氣象雄!黄SIR最鍾意就當頭炮加大夾馬開局!中路進攻!嬴面九成也!先後手一樣平炮立中宮!(後手叫順炮局!)
以前黄SIR學棋, 最先學一本叫橘中秘!其中有幾局教順炮大夾馬局!小弟學完已晋成街無敵矣!
後來再學埋梅花譜, 後手有時就用屏風馬, 一樣天下無敵!
開好個局就等於做人讀好書, 做好本份!人生咁玩法就嬴面大矣!明冇?
回應 (0)
我要發表