艱深的曲詞

最近黃SIR剛剛上緊課, 學唱岳飛少年傲遊一曲ｏ這是一首近人作品, 內容係講岳飛打打吓仗, 得閒去太湖邊買醉, 見倒個靚女, 一見鍾情, 緣訂三生, 這首曲寫得不錯ｏ

但呢首曲, 好多字深到黃SIR都唔識！無論歌者發口點好, 觀眾揸住曲本都要估！

例如: 旦上塲唱, 七字清中板, ……春風吹皺 湖演沔！演沔两字黄SIR查辭海都揾唔倒解答！你估聽眾又會唔會明呢？吓？

又有一句, 個旦唱……..卻是個（篙）（草花頭加個高字）目時艱 好少年！（篙）（草花頭加個高字）目 原來是憂思而張目遠望的樣子！大佬！呢D詞又有幾多人識呀？吓？

仲有…..湖鏡碧靄繞飛簷！碧靄又係乜呢？吓？

仲有…..願作比翼效鶼鶼……鶼鶼其實就係比翼鳥！（黄SIR都係查辭海至知咋！）

仲有….生唱金線吊芙蓉……玉翠容華 瓊姿姌！瓊姿姌！連辭海都冇！D人點聽得明呀！吓？

仲有….繁露霧珠浣滌秀比月裡仙！….. 浣滌都好蝦人啫！

唱粵曲駛唔駛搞到咁死深呀？吓？