海嘯垃圾 4

海嘯垃圾最多係食物服務行業, 經常見的垃圾現象就係人手不足！通常都炒到好唔夠人用矣！

飲親茶就一肚氣, 人客走咗, 冇人執枱！坐低又冇人開茶！想洗杯又冇跟手攞隻大碗倒水！未洗完, 又急急收走隻大碗！（唔知點解次次都係咁？唔通D主管一見倒隻大碗係枱面未收, 就會媽义D員工？）

好嘞！想點嘢食ｏ居然可以冇點心紙, 或者環保至上, 配給一張！仲要唔係隨身袋住, 要去收銀處囉！D員工忙到踢晒腳！走來走去, 黃SIR都唔忍心叫停佢地！

全塲就揾唔倒一個可以TAKE ORDER的人！你叫上菜果個攞走D碟！例牌就話呢D唔係佢地嘅工作！（當然上菜同傳菜都唔可以撈亂啦！呢個黄SIR明白！）唯有死死氣自已做啦！

最妙有一次, 黄SIR叫個伙計唔知做乜！居然俾佢教訓, 乜你唔見倒我好忙咩？黄SIR唯有立刻躹躬耍冧, 對唔住！對唔住！你得手就泥啦！

有次去飲, 派碟個伙計一隻一隻飛去個客個位！一隻飛埋黄SIR處, 黃SIR眼明手快, 一嘢按住！誰知裂開两边！真好玩！

有次見條友分翅, 個碗有隻小動物, 伙計大哥又係手急眼快, 一嘢翅滚落去, 若無其事！碗翅應該好味好多矣！

有次見隻鼓油碟有小小黑黑地汚糟嘢, 個伙計又係立即酙D鼓油落去！鼓油夠晒色遮住！又係乜事都冇！

呢D服務態度, 唔知又應該唔應該, 櫬金融海嘯清清D垃圾呢？吓？