舞武同源

近年黃SIR致力研究舞術, 但早年黄SIR的興趣卻是武術ｏ

武術既可強身健體, 又可有一技旁身ｏ身懷絕學, 真係去到边都冇有怕也！

練武講實用, 最快就學詠春, 三两個月, 已經打得两咀ｏ一記日字衝拳, 打到對手滿面鮮血！認真充滿暴力也！

如果練內家拳, 自然練太極啦！太極動作以慢為主, 合乎人體運勳學, 每一關節都郁倒ｏ一百零八式, 打完一次已經夠晒運動量！記倒一百零八式都一定冇老人痴呆症啦！

近人不明其理, 改咗十八式又有, 三十六式又有, 二十四式都有, 結果就打完一次, 運動量唔夠！又要打多幾次！攞泥搞！

要簡單, 學八段錦啦, 動作簡單, 又有針對性ｏ例如搖頭擺尾去心火！黃SIR成日心火盛, 練習呢招好有效！狗仔搖頭擺尾都得人鍾意啦！何况人仔！明冇？

但八段錦去心火就得, 去骨火就要去砵蘭街嘞！

練拳不練功, 到老就一塲空！所以黃SIR兼練氣功！一打通任督二脈, 就天下無敵矣！

而家得唔得？

仲差小小！嘻嘻！