舞武同源 之 龍遊淺水

有云: 拳不離手, 曲就不離口ｏ

如果想學好D, 勤練差不多是學武（舞）或  學唱曲的必要條件！可惜的是, 黃SIR近年已漸漸失去了想天下無敵的野心, 變成得過且過, 玩玩吓就算了！

如果能早三 四十年去練武（舞）或 學唱曲, 或者今日成就不止於此吧！

做人也倒可悲, 看看李寧風光之時連奪多個金牌, 及後在南韓奥運倒下來之日, 英雄遲暮, （佢當年好似得25歲咋！）能不使人唏噓歎息乎？黄SIR突然有咁辛苦為乜之感也！

某日黃SIR被跳舞老師, 直指黄SIR轉身慢, 腳又唔（貼地）！（黄SIR其實個心笑緊佢！佢都唔知！佢如果唔係 霉到 （貼地）, 駛免費教黄SIR 呢D耆英乎？ 夠胆話黃SIR唔掂？佢真係買棺材唔知碇也！）

黄SIR登時覺得英雄遲暮, 虎落平陽！龍遊淺水！真真無修也！枉有一身武功,居然俾條盲毛寸！真苦命也！

某日上深圳操曲, 個頭架奏完引子, 仲有三拍, 佢唔知點去ｏ 居然點頭示意黄SIR仲唔入？有時真俾呢D盲毛小輩吹到黃SIR漲！

又曾有個跳舞老師, 居然考黄SIR打拍子ｏ要黄SIR好似傻仔咁, 跟佢拍1 2 3 4, 真係唔知好嬲定好笑！

有次去豐澤睇D電器, 個SALES 問黃SIR識唔識玩電腦！（我好想話俾佢聽,我以前係教人設計電腦嫁！）

唉！唔通人老咗, 個樣會变？

乜黄SIR而家個樣好似低低地咁咩？ 吓？