舞武同源 之 越學越快樂

跳舞講求形體之美, 配合音樂拍子, 講求同 派拿合拍！玩樂一番！

唱歌就講求聲音之美, 又係配合音樂, 曲情, 對手, 演譯, 玩樂之餘, 能完成一曲, 事後聽來, 另有一番樂趣也！

練拳都一樣, 學習得一身絕技, 能人所不能！又係其樂無窮也！

近日黄SIR諗番自已又識詠春, 又識太極, 又識氣功, 又識鶴翔樁, 又識八段錦, 又識靜功十二法等等, 數吓數吓都非常過癮！

講到捉棋更屬十分英雄主義, 唔止識, 仲必殺屎棋頭添！何等快樂！

這些玩樂, 都可以令黄SIR樂上一陣子,  因為唔知啶之人, 一定享受唔倒其中之樂！只能臨淵羨魚而已！

正如跳舞, 學吓學吓, 黄SIR又識拉丁, 又識BALLROOMｏ

拉丁中又分 冧巴, 查查, 森巴, 牛仔ｏ 牛仔又識 六步牛仔, 又識 八步牛仔ｏBALLROOM又識 慢三, 又識 慢四, 又識 狐步, 又識 探戈ｏ

快三, 快四, 唔係唔識, 係唔跳, 驚仆死！

黃SIR發覺, 原來做人越識得多嘢, 就會越快樂！

正如閣下寫隻字都有困難, 又點可以日日在網上吹水為樂呢？

又例如閣下根本唔喜歡唱粵曲, 又點知能唱得好一首歌的滿足感呢？

正如黄SIR係唔知人地畫好一張畫, 或寫好一篇書法, 或者影靚一張相的滿足感,同一道理也！（因為唔識也！）

做人一定要為自已選擇D喜好的玩樂！努力去學！去練！

咁做人先至會日日充滿生趣嫁！知冇？