2009的联想

09年會點呢？相信大家只能善頌善禱ｏ

但黃SIR對於九字卻十二分敏感, 君不見近世紀, 七九年中國改革開放, 八九年民運, 九九亞洲金融風暴, 至於零九又豈會冇大件事呢？

黃SIR細細個（約八, 九歲）坐在祖母旁边觀察大人打天九ｏ（相信現在已很少人識打天九了！）其中天九分文子和武子, 一文一武可以一同出ｏ

例如天九, 地八, 人七, 鵞五等等ｏ其中天, 地, 人, 鵞, 梅是為文子ｏ九, 八, 七同五是為武子ｏ但三和六卻有特殊意義, 三仔叫匕鷄, 而三仔加埋六仔就叫至尊, 成幅牌至大係佢！

點解？三加六係咪九先？九五之尊即係皇帝係咪至大先！所以一見倒九！黄SIR就联想倒至大矣！

而天九的玩法, 也有其中哲理ｏ你想嬴, 一定要先有桐ｏ如果你一桐都冇（即全手牌都未嬴過一次！）咁最後出個次牌就冇你份玩矣！你手上幾大牌都一樣冇得結！即係教訓人唔好搞到自已一桐都冇！有番一桐咁人生先有希望也！所以做人一定要小心謹慎, 預留後路, 持盈保泰！以求有好的歸結也！

至於九的玄機何在？你想想, 九乘任何一個數的結果加埋都一定等於九的！（例如九乘七等六十三, 六加三係咪九呀？九乘九就八十一, 八加一又等於幾多呀？吓？）係唔係九呢個數特別唔同呀？

1  X  9 = 9

2  X  9 = 18    1+8=9

3  X  9 = 27    2+7=9

4  X  9 = 36    3+6+9

……………..

8  X  9  =72   7+2=9

9  X  9  =81   8+1=9

所以零九年大家就應小心謹慎, 持盈保泰！希望大家可以平平安安啦！九字真係有D玄機嫁！明冇？