術數玄機

講開個九字, 引起黃SIR想起玄學中有所謂術數的一門, 是以計算來取勝的ｏ古人有運籌之術, 其中運籌就係計數的意思！

韓信點兵, 多多益善, 點解韓信先生生平未輸過一仗？ 就係佢D數學至堅！其中韓信有一數學命題, 研究數之人都讚羨不已！

數學好！科學就好！數學其實乃科技之母也！

黃SIR讀書時, 人尊為數王（即計數成日一百分！）後來去咗中大讀物理ｏ近日睇電影神探探伽俐畧（物理學家）, 講個神探同個數學家斗智之事, 都幾好睇！（如果你好似黄SIR咁鍾意用腦的話ｏ）因為物理同數學都係黄SIR強項也！

而術數乃運用了數學入玄學中！如紫微斗數！什么什么命盤的計算, 統統屬於此科！普通玄學家計算命盤, 用出生 年 月 日 時 去計！但黄SIR得高人指點！珍藏秘本可計至分同秒！真係準到無倫也！

六親由父母, 兄弟, 子女之數, 一一可以計算出！真係唔講得笑！黄SIR等閒不易展露人前！因江湖揾食秘技也！（話唔埋黃SIR金融海嘯之下, 要擺檔揾食, 咪俾你地拆穿晒？）

玄機何在？既然大家咁鬼捧塲, 不妨又教埋你地嘞ｏ一小時有六十分, 一分有六十秒, 共有三千六百次機會你去撞！咁你都撞唔啱！你地拆咗黄SIR個招牌算把啦！

因為有鬼人會記低幾分幾秒出世咩？記倒（時） 都算至叻啦！竅門就在此也！明未？

咁都唔醒扒, 你一定唔可以學黄SIR D術數矣！（係出術之數！）

因為你一定係 亥（害）時出世！嘻嘻！