笑都唔識笑

如果大家有睇過粵語殘片中檸檬先生的笑法, 你就會知道笑成咁, 真係唔係咁容易也ｏ呢位檸檬先生真係笑到一絕, 直情氣貫丹田, 笑得又長又大聲, 真係聲振武林ｏ如果你未聽過檸檬先生的笑法, 真係人生一大損失！快D揾套什麽武林聖火令之類, 去欣賞吓檸檬先生點笑法！

做人最痛苦就係連笑都唔識笑, 黄SIR最近見鏗鏘集, 介紹一個失婚女子去上心理學課程, 就係去學點樣去笑！一學識笑, 連個仔都同佢關係好番晒！可以見,識笑的力量！

通常識得笑, 就可以解決了很多痛苦ｏ據說有位女士, 有日收倒警察局打電話俾佢話, 拉鬼咗佢個好滾的老公！個女士立即笑笑口話: 多謝亞SIR, 咁今晚我就可以煮少個人飯, 又唔駛等佢門, 同埋今晚知個衰佬係边處瞓嘞！嘻嘻！

咁嘅幽默感, 唔係人人有！呢D就係識笑嘅好例子矣！

有時黄SIR係度吹水講D嘢大家笑吓ｏ 有D唔識笑嘅人, 就同黄SIR認真, 有時搞到黄SIR啼笑皆非！呢D人真係要學吓點去笑也！

人生苦短, 不如意事十常八九！識得笑住去面對逆境, 至為重要！正如破財就可以擋災！一笑就可以泯恩仇！金融海嘯, 又有邊個冇損失呢？一笑面對人生, 至為重要也！

有日跑馬, 告東尼有隻馬叫絕塵,係泥地王, 人人都話嬴硬！跑來三甲不入！黃SIR不禁大笑！話明絕塵, 梗係D銀紙全部絕塵啦！信佢至傻啦！好鬼好笑也！

至於要笑到好似檸檬先生咁, 睇怕都要學吓氣貫丹田至得矣！（黄SIR都勉勉強強得！）

哈哈！哈哈！呵！哈哈哈！呢D就係標準唱粵曲的笑法！要學嫁！

你地識咩？吓？