笑都唔識笑 2

做人日日要笑, 的確有D難度ｏ但如果能以冷眼看人生, 卻是不愁缺乏笑的題材ｏ

例如近日黄SIR每次見電視播台灣陳水扁哥一家的新聞, 真係覺得好鬼好笑！

呢個水扁哥, 真程係冷面笑匠, 仲利害過許冠文, 佢根本唔做總統去搞揀篤笑, 一樣收！

呢位仁兄, 真係噏得出就噏, 佢直情當全世界D人死嘅！佢可以一本正經, 話自已是國民黨同共產黨的頭號戰犯, 直指台獄等於法國大革命之巴士的監獄, 佢為國為民, 犧牲小我, 成全大我ｏ為了革命经費, 一定要存欵國外, 等同國父孫中山先生昔日, 海外籌欵一樣咁偉大！ 如果配埋音樂, 直程悲壯到有史詩式的演出也！

水扁哥一上庭, 都未知點審, 佢就先質問法官, 你上次放咗馬英九！點解今次唔放我？大佬！你又點知法官會唔放你呢？真搞笑！

佢絕食仲過癮, 俾人發覺佢偷偷地食餅乾！可能餅乾係當啃！唔係食！真好玩！

最妙一招就拖埋李登輝落水, 吹到李登輝漲！叫佢做歹子！不過今次黃SIR又撐佢噃！李登輝個相, 真係好有可能做呢D衰嘢噃！

可能水扁哥都係有樣學樣之馬！

既然日日睇住呢D活劇, 又點會話冇得笑呢？係冇？