笑都唔識笑 3

近日見D高官出巡, 表演消費（真搞笑！）, 曾特首在工展會買咗幾千文嘢, 仲話明係自己屋企冇义用, 要買泥捐俾慈善機構！

黄SIR睇完, 不禁撫掌大笑！咁都得？又唔知邊個師爺要孭鑊矣！

係人都知佢曾生做SHOW啦！佢一千文生果金都要扣住D老人家, 佢有冇咁多愛心呀？要捐就捐現水, 等D慈善機構自已買D有用物品啦！係工展會買埋D貨尾！咁叫浪費！唔係叫促進繁荣！一嘢唔該, 黄師奶有樣學樣, 買晒D垃圾番黄SIR屋企！黄SIR咪好唔得掂！正笨蛋！

跟住又見果位林睡麟, 又去大埔街市買毛巾, 又唔識講價, 講俾多D得唔得？大佬！你叫市民點學你呀？

一衆高官帶頭消費, 但就十分小兒科！渣過D細佬哥！好明平日D友好少去街市啦！好似黄SIR有次去街市, 叫個豬肉佬整五皮嘢上肉！豬肉佬哥哥好客氣話, 買廿皮至有啦！亞叔！（好彩仲係亞叔！未係亞伯！亞伯連豬肉都唔知價！真係唔好意思也！）

呢D所謂高官, 又話教育市民去促進經濟, 真係唔俾佢激死都俾佢笑死啦！

果個大口蘭（吳惠蘭！）叫人收一半人工都得！又唔見D高官帶頭不支薪三個月！與民共苦！真搞笑也！

而冢佢地表演了消費！市民就氣到爆肺！

唉！又要揾毓民整隻蕉佢地嘆吓嘞！

看蕉！