恒指/道指 (6/1/2009)

大鱷既一向風格, 係會升到你唔信, 到你認為大市會插, 佢就會咬住係高位唔放迫你上車, 然後失驚無神先至插, 等你毫無準備, 束手就擒.

zipang / 團長分析:

團長話5仔呢個炸彈隨時爆   再加上 941上 $85 呢個沽貨位

團長暫時睇 15700 係頂位   唔信可以上 15800

388 強係因為大戶推恆指上   不過連 5仔都反升   睇黎大戶架車未上夠散戶

dai dai 兄分析:

建行今早最高見＄4.71，受制於100天線＄4.7093。支持位20天線＄4.5485及10天線＄4.452，上望保歷加通道頂＄4.938。

尋晚VIX出現十字星見底，相信道指今晚稍為回落。

~~~~~~~~~~~~~~~~~~~~

6/1/2009

隔晚道指跌 81點   收報 8952

恒指高開 49點後窄幅上落, 12點過後急速下滑, 曾下跌 195點   最後跌 53點    收報15509   成交增加至 539億

拆息低企, 部份本地銀行調低按揭息率, 地產股造好

預期明天國內發放 3G 牌, 中國移動被沽售

一向帶頭上升的龍頭內銀股有沽壓, 建行.工行等持續弱於大市

國際關注以巴局勢, 派員斡旋, 油價向上 USD50 有阻力, 連日上升的油股回吐, 但俄羅斯.尼日利亞爭拗使油價再次上衝阻力位, 油股止跌回升, 中石油有望上穿 $8

國內考慮成立穩定油價機制

美元轉強, 金價下挫, 金屬股回吐

~~~~~~~~~~~~~~~~~~~~~

陸 Sir:

內地股市方面，受外圍市場普漲影響及溫家寶的雙十規劃令市場人氣有所提升，2009年首個交易日迎來開門紅，市場傳言要振興的行業包括鋼鐵、汽車、造船、石化、輕工、紡織、有色金屬、裝備製造和電子資訊。中港股市新年暫時沉浸於政府托市消息的愉快氣氛之中。

避險意識稍為降低

去年底，由於全球資產報跌，資金追求避險，大量躲入美債，結果令到美債出現零息，新年過後，基金重訂投資策略，美債接連兩日下跌，是否代表基金經理覺得債券已經太貴，把部份資金由債券調回股市，成為一月反彈的藉口呢？

一月份大市有得炒奧巴馬上台的憧憬，又有得炒基金重新啟動投資，所以不排除月初會造好，但並不代表經濟問題一天都光晒。美國經濟正經歷一次急促收縮，失業率註定要上升，經濟面臨嚴峻危險。所以無論點都好，全球股市現在仍然係極不穩定，就算熱錢避險意識略減，都只係短線炒賣居多，並非代表長線策略，假如形勢有變，市況可以急促波動，股民跟風短炒，最緊要係記住鋪鋪清，今次下注無論贏定輸，都要每注計數。