一桶水的啓示 2

君不見有D雷曼苦主, 只是胡胡塗塗, 把一生血汗錯信銀行, 一個簡簡單單的簽名, 就陷入萬劫不復之地, 真係天堂地獄一線之隔吧了！

又睇吓四川地震, 一嘢震吓, 死傷無數, 家破人亡, 天災人禍, 惨不堪言！

又唔啱睇吓D大陸小朋友, 無啦啦食咗三鹿奶粉, 腎生石, 就咁就一世要洗腎！真係唔知怨边個？

又睇吓日日D新聞, 無啦啦有個司機自己整車, 俾個車斗壓爆咗個頭瓜咗, 為慳幾舊水咋！

有日黃SIR自已想通廁所, 懶叻買D強力通渠佬！一嘢倒落去, 誰知一陣濃烟湧入鼻, 差D領野！真係隔行如隔山, 唔熟唔好做！

結果死死氣要揾賣通渠佬俾黄SIR間店介紹個真通渠佬！俾佢斬咗650文！（事後通渠佬俾張CARD片黄SIR, 叫黃SIR下次直接揾佢, 平好多咁話！） 但黄SIR搞番掂都十分感恩矣！轉眼又係馬塲揾番！錢可以搞得掂嘅！完全不成問題也！

今早起身, 新聞又爆東區医院, 失咗一條小孩的屍！唉！人地小朋去咗, 家人已經傷心欲絕, 而家你班友, 仲搞到人地條屍都唔見埋！真係點做嘢嫁？

日日俾呢班友吹漲！真係瞓醒好身好運都要知道感恩了！

唔怪得年尾D廟宇咁多人還神啦！