庸人自擾

香港特區政府九七回歸, 捉蟲地搞什么母語教學！將學校, 老師, 家長折騰到死咁滯！而家証明係法國大餐啦！（多舊魚也！）

根本上用母語教學不用規管, 自自然然大部份人都會用母語來溝通！

至於學好英語又是另一回事, 一D英文學校, 老師是外國人用英文去教, 是理所當然ｏ一D留學外國習慣英文用語的老師, 也會用英文去教！根本自然過自然, 各適其適可也！而家強迫所有老師進修去用英文教！無需要夾戇居也！

至於點去學好英文, 根本與母語教學完全冇衝突！君不見大陸, 台灣年年咁多人考倒TOFEL試, 唔係咁難達到之馬！駛唔駛成個社會為咗英文折騰呀？

有D行業人仕, 一句英文都唔駛講！你迫人地學泥做乜？仲要人人流利到鬼佬咁？蠢唔蠢D呀？吓？（等於迫人人去唱粵曲一樣！真戇居也！）

而家取消了中中英中就正確過正確！

但依然左管右管！

什么中文課本𣎴准用英文教！

什么英文課本又不准用中文教！

什么彈性班！ 英文班！中文班！

就認真無謂矣！一於童子軍跳彈床就得矣！

就讓學校, 老師去自自由由教！就讓D學生開開心心去學, 為咗校譽, 為咗學生的前途, 佢地自然會做到最好嘅！學生要升學, 可以唔學好D英語嗎？

根本唔駛D儍瓜高官庸人自擾！