快活不知時日過 3

快活不知時日過的另一極端, 就是渡日如年ｏ

大詞人李清照小姐, 在丈夫趙明誠去世後, 就有渡日如年之歎矣ｏ粵曲有支金石緣, 又有首聲聲慢, 就是寫两人之事,！李清照小姐寫佐句詞: 獨自怎生得黑？

這句說話的意思, 不是說一個人在沙灘, 點至可以晒得黑？而係話一個人條條FING, 孤零零, 點至可以等到天黑去瞓咁解！（即係渡日如年啦！）

點解會出現咁嘅情况呢？就係冇晒D朋友, 冇晒D親人, 一個人孤零零, 條條FING, 想揾人跳吓社交舞都冇, 一個PARTNER都揾唔倒！想請師傅又冇錢！（人又老！錢又冇！死未？）

要開枱打牌仲弊！唔係三缺一, 係一缺三！死唔死！（點解咁？就係牌品唔好！玩都玩得衰過人！輸唔起！）

黄SIR就見過有位女仕在酒樓, 叫到成枱食物, 打電話四圍揾人食, 冇人肯陪佢食ｏ居然叫個部長幫手食D, 你話悲唔悲？（睇佢打電話時, 惡形惡相！又罵D仔女𣎴孝！又罵D朋友唔俾面！係人都怕咗佢啦！）

有D人樣樣嘢都懶學！EQ又低, 樣樣嘢都話唔好玩！諗嘢就負面到死！事事算住有乜着數至肯做！如此一來, 人人怕晒佢！變咗乜都冇人揾佢玩！

咁就只有自已一個人條條FING, 去渡日如年嘞！死未？

如果唔想咁, 就要睇吓, 學吓黃SIR點樣快活不知時日過矣！