送鼠迎牛又一年

中國人過農曆年, 一家團聚吓, 閒話家常, 講番D好兆頭的說話！

想當年黄SIR身為小頑童的時候, 最鍾意整古D亞毛（老女仕！）, 一早去恭喜佢添丁發財, 搞到佢地尷尷尬尬ｏ有D就冇乜幽默感ｏ又坦白到死！嬲爆爆, 話發財就啱！添丁就留番俾你亞媽啦！

小頑童順口就講:  恭喜發財！利是𢭃來！斗零唔愛！十文袋落袋！

斗零, 而家D小朋友都唔知係乜矣！

以前過年, 例牌有新鞋着, 新春係冇人買鞋嘅！費事鞋鞋聲！由年頭鞋到年尾也ｏ又多數有新衫新褲, 由內而外全部都新！十分爽神！

仲要記得飛髮！以前飛髮舖歲晚會收雙工！人人都要飛佐髮, 醒醒神神至過年也！而家就唔加價都靜英英, 冇D過年氣氛！

以前屋企又會炸D油角, 煎堆去過年ｏ小頑童例牌整條男性性器官！整到似層層！仲係非常雄偉個隻！搞到两個老工人边笑边罵！十分快樂！

新年是小頑童一年內荷包至腫漲的日子, 有錢就可以去賭！（新年家中開放賭禁, 奉旨搏彩！）小頑童通常賭運享通, 學識晒賭字花！外圍狗！外圍馬！原來間不中作奸犯科, 都唔係咁壞事也！所以黃SIR有時見D道德塔里班明光社, 講到賭幾可怕！又話投注站會令小朋友墮落！

聰明的小朋友有腦嫁, 點會乜都一學就墮落吖！唔學, 俾人呃晒D錢, 就想唔墮落都唔得矣！

又唔見黃SIR墮落？多鬼餘！