黑妹蒙恩錄

新年期間, 冇乜新聞, 一隻戇狗黑妹, 走入了人地西貢孟公屋祠堂的罅縫, 卡在中間, 動彈不得ｏ只懂得搖頭擺尾, 卻脫不了身！

如此一來, 全城好事者皆出謀献計, 去救戇狗！

引來D愛狗人士, 有人自以為深明狗性, 去加以輔導（隻狗！）ｏ有位女仕帶來一隻狗公, 希望利用狗公的氣味去引發黑妹小姐的春情！等佢春情一動, 自動走番出泥！（可能佢將自己的行為, 代入咗黑妹之腦！）誰不知此地勢, 入個便有八吋, 出個边得四吋, 黑妹不懂掉頭, 根本唔出倒！

又有人用加油法, 令黑妹全身油淋淋, 滑脫脫, 以為可以就此甩身, 但黑妹𣎴懂入後波, 幾滑都出唔倒！

全城總動員（出屎橋！）, 加上十幾廿個消防員, 依然束手無策也！

原來要拆人祠堂, 要全村村民投票, 一時之間, 又點進行全民投票呢？

要掘隧道, 似乎工程太大, 曠日廢時！又不可行！

但見這班人（屎橋汚合之眾！）, 最後將黑妹用麻醉針先麻醉！用索跨頸力拖, 另一边用長竹力頂！結果隻狗就（救）了出來, 但可惜已狗命鳴呼矣！（救狗英雄全部变晒 殺狗狗熊！）

妙哉！

香港零九, 狗命蒙恩, 是為記！