無良大行真面目

美國總統奧巴馬昨日指責美國金融界大行（美林 高盛, 摩根士丹利 之類）, 在納稅人出錢拯救他們時，仍要拿走幾百億美元花紅，係一種「可恥」行為，奧巴馬認為拿走這些花紅, 是「不負責任的極致」，大行要顯示一些自制和一些紀律, 不可以咁無良！﹝黄SIR按﹞

這些大行就是剛剛在香港唱衰港人至愛（當然包括黃SIR啦！）大笨象（005）的原兇ｏ

現在連佢自己的總統也看不過眼, 這班人正一老千, 一边𧵳晒股東D錢, 一边就分政府準備注入救佢地D錢, 真係毫無道德, 廉恥可言！連美國人民D錢都滾埋, 真係走火入魔之極矣！（黄SIR按: 美國佬原意係想利用佢地發明的金融制度去呃其他蠢國！而家呃番自己人！抵死！）

美國佬今次真係報應在眼前, 好似粵語片所見, 一個賣白粉的衰人, 突然發覺自己的兒子, 居然上了毒癮！種瓜得瓜, 種豆得豆！報應在眼前也！

本來企業做得唔好, 只有執！但美國佬今次玩到, 做得唔好, 仲有花紅分！又可以買私人飛機, 用百幾万美金裝修辦公室, 坐私人飛機飛來飛去求救！仲吹到政府唔救佢地, 就有幾多幾多人失業！唉！呢個乜鬼資本主義制度泥呀？仲衰過社會主義ｏ人地都係做又三十六, 唔做又三十六之馬！都冇佢地衰得咁鬼貼地也！

呢班人而家依然日日在股市興波作浪！什麼大行報告！什么大笨象52文！49文！39文！噏得出就噏！全無責任！黄SIR會信呢咁嘅衰人至奇也！

呢班友等天收啦！（而家有排折墮嘞！）