減壓之道

有藝人話入了娛樂圈, 壓力太大, 因而吸毒減壓云云ｏ

人生在世, 豈會無壓力？ 讀書有考試壓力, 做嘢有做嘢壓力, 玩樂有玩樂壓力,有時連寫BOLG也會有寫BLOG的壓力ｏ生活就充滿了壓力, 現香港豬流感殺到, 整個社會都有壓力！似乎壓力就是人生！人生就充滿了壓力！

所以做人一定要懂得減壓, 才可以活得快樂！吸毒一定唔係可以減壓！係自尋死路而已！唔識得點去減壓ｏ好易就精神出現問題！有D仲想到死鬼咗佢至減倒壓！

通常有壓力, 多是對自已要求過高ｏ諗嘢又諗埋一邊！例如讀書期期考試都要考第一, 冇壓力就奇矣！隨住自已能力, 量力而為, 咁就冇壓力啦！

做事都一樣, 事事追求十全十美, 又要面面俱圓, 梗有壓力啦！又係果句, 量力而為, 但求無愧於心, 就乜嘢壓力都化晒啦！

人生不如意事, 十常八九！如何去化解生活的壓力就是一門學問！

就算玩樂, 有D人都事事追求完美,例如出SHOW唱隻歌, 都想天下無敵！誰知業餘出SHOW乃玩樂性質！又何必太認真自取壓力呢？

其實所有正常的玩樂, 存有正確的態度！都是好的減壓方法也ｏ例如: 運動吓, 唱吓歌, 跳吓舞, 學吓繪畫, 書法之類, 甚至上網同人吹吓水, 都是減壓良方也！

如果識倒黄SIR, 成日講笑吹水一番！乜壓力都冇晒啦！明冇？