減壓奇譚

如何減壓, 真係一大課題ｏ通常黄SIR見D朋友, 如果能有一嗜好, 應該就容易減壓D！

例如黄SIR見有D朋友用釣魚去減壓, 一桿在手, 壓力全消！一有魚兒上釣, 就快活過神仙矣！

黄SIR有D朋友愛上粵曲粵劇ｏ又係唱吓歌, 做吓戲！就可以忘憂解悶！快活人生！

至於近年興起跳舞熱, 直情有D人鐘意到不得了！跳吓舞, 出一身汗！番屋企瞓番個靚覺, 就乜嘢壓力都冇晒啦！

仲有好多方法去減壓嘅, 揾班朋友出泥, 吹吓水ｏ講吓東家長, 西家短, 又係好容易過日辰！但做人千祈咪鬼咁認真！更加唔可以小氣！咁就大把人鐘意同你玩啦！

黃SIR眼見好多人, 連玩都唔識玩, 玩得两玩就玩小氣！日日處於壓力之中而不自覺！真係蠢過隻豬！

黄SIR做人真係坦盪盪, 做乜嘢都冇乜壓力！試過學粵劇, 條師傅俾壓力我, 我三下五落二, 以後唔鬼學！乜壓力都冇晒！

又試過有粵曲老師話黄SIR數板手法唔正宗！黄SIR跟手唔交學費！走頭！又係乜壓力都冇晒！而家黄SIR用心板！边駛佢教！

黃SIR遇過, 有個跳舞老師成日罵人, 有D同學直情壓力大到要退學！但黄SIR一見佢發癲, 就內心好笑！佢話黃SIR, 黃SIR就當佢唱歌！仲特登做錯激吓佢！到而家講起佢, 都笑緊佢！真好玩也！

边個嘗試俾壓力黄SIR？真係未死過也！