抗疫笑談

近日最熱門話題當然係豬流感啦！首先豬流感原來係同D豬冇關係, 唔係經由豬傳俾人ｏ有人因此唔食豬肉, 甚至殺鬼晒D豬, 就認真寃哉枉也！所以世界什么組織要搞到正名做什么H1N1甲類流感之類, 以免大家誤會ｏ可惜為時已晚, 一旦豬流感叫開！都怕冇乜人改倒矣！

抗疫, 大家一定記得經典塲面ｏ董太着到成個太一空人咁, 叫大家記得要: 洗手！洗手！洗手！（都唔明點解呢位亞毛, 講親乜, 都要重覆三次！認真經典也！）

今次最大劑的疫區, 就在墨西哥ｏ早前有個墨西哥佬走咗泥香港, 仲發病添！咁就大劑了, 同佢同機前後三行位D人要去檢查, 坐過的士的司機, 酒店房客, 全部俾佢累到雞毛鴨血！

既然明知D墨西哥人咁死毒！仲唔小心D處理墨國訪客！唔禁佢入境, 都隔住佢七日, 睇吓佢有冇事, 至放人啦！話口未完, 中國已禁墨西哥人到訪矣！大佬！唔俾佢泥, 好過搞到而家咁踢晒腳也！

做人駛唔駛咁仁慈呀, 對人仁慈, 即係對D香港人殘忍也！鬼叫佢墨西哥做咗疫埠！咪累人累物啦！大佬！死人嫁！而家玩牙？

而家大家都聞墨西哥色变！據說即日開始, 全港麵飽鋪都唔整墨西哥飽賣了！費事嚇親大家啦！

信不信由你！嘻嘻！