抗疫笑談 2

講開墨西哥, 黄SIR第一時間想起就係墨西哥車輪鮑, 最近黄SIR買過, 成四百幾近五百文一礶, 但香味卻遠不及黄SIR細時所食的墨西哥車輪鮑！黄SIR細時過時過節或者去飲酒ｏ多數有鮑魚食！黄SIR至愛也！

記得當年只賣十零皮一礶, 有次在荔枝角工廠區, 有人在街頭只賣幾皮嘢一礶, 旁边放住一礶已打開的做辨！香味四溢！黃SIR有工友賣了幾礶, 事後大嘆被揾老襯！原來係用一礶菠蘿貼上車輪鮑招紙而已！認真吹漲！而家D墨國鮑係直接印上鉄礶矣！

除此以外, 黄SIR一向對墨西哥冇乜好感, 因為以往睇美國牛仔片, 墨西哥佬多數係賊, 一頂尖帽, 披着張毡！古古怪怪！多數被奇連伊士活一鎗一個做低晒！

今次墨西哥爆出豬流感, 可能同貧窮, 落後, 衛生有問題有關吧？

不過黄SIR睇世界杯, 墨西哥隊波就幾好睇, 佢有個門將叫花蝴蝶, 着件波衫花碌碌, 人仔細細, 但成日救倒險球！

似乎除此以外, 印象中就有一次墨西哥大地震！同埋墨西哥人成鬼日非法偷入美國！似乎美國有個新墨西哥州就係打走D墨西哥佬霸番泥嘅！

至於墨西哥飽, 貪佢夠平！黄SIR近年都好少食矣！