抗疫笑談 3

上次SARS累到香港人鷄毛鴨血, 連医生護士都犧牲咗, 原因就是一個大陸教授帶來了病毒, 又住在淘大傳了開去！搞到死傷無數！所以今次政府如臨大敵, 冇人敢話政府多餘矣！

唔緊張D, 擴散出社區就大劑啦！人命關天也！

記得上次SARS時, 黄SIR尚在理工教書ｏ一有SARS疫症, 學校宣佈不停課, 老師要返工,但學生卻可自行決定上不上課！（黄SIR落班房睇吓, 鬼影都冇隻！即係停課！）唔駛做！真係快活過神仙！有自由選擇, 你估D學生會唔會咁神心泥上堂？自由真正好！

搞得两搞, 學校宣佈, 如果住所大厦有SARS病人, 可以自行決定唔駛番工！剛剛黄SIR住的大厦有一人領嘢（好似係個護士！）黃SIR又唔駛做七日！

後來搞搞吓, 連試都唔駛考！又唔駛補考！又唔駛出題目, 又唔駛改卷！放暑假！放完假就乜事都冇矣, 最妙係粮照出, 一個仙都冇少到！

對於冇受影响的人來說, 對於某D行業,  抗疫就是放假！

但對於要餐揾餐食的人來說, 禁足七日ｏ大佬！边個出粮先？所以捉两個載過墨西哥佬的 的士哥哥 費盡功夫至捉倒！

其實要人乖乖投案不難！七日五星級酒店伺候, 任飲任食！仲有七日人工賠償獎金！重賞之下, 人人都樂意受檢啦！

乜咁D官咁都諗唔倒嫁？正笨蛋！