抗疫笑談
2009/05/04 09:39:03
網誌分類:
時事
近日最熱門話題當然係豬流感啦!首先豬流感原來係同D豬冇關係, 唔係經由豬傳俾人o有人因此唔食豬肉, 甚至殺鬼晒D豬, 就認真寃哉枉也!所以世界什么組織要搞到正名做什么H1N1甲類流感之類, 以免大家誤會o可惜為時已晚, 一旦豬流感叫開!都怕冇乜人改倒矣!
抗疫, 大家一定記得經典塲面o董太着到成個太一空人咁, 叫大家記得要: 洗手!洗手!洗手!(都唔明點解呢位亞毛, 講親乜, 都要重覆三次!認真經典也!)
今次最大劑的疫區, 就在墨西哥o早前有個墨西哥佬走咗泥香港, 仲發病添!咁就大劑了, 同佢同機前後三行位D人要去檢查, 坐過的士的司機, 酒店房客, 全部俾佢累到雞毛鴨血!
既然明知D墨西哥人咁死毒!仲唔小心D處理墨國訪客!唔禁佢入境, 都隔住佢七日, 睇吓佢有冇事, 至放人啦!話口未完, 中國已禁墨西哥人到訪矣!大佬!唔俾佢泥, 好過搞到而家咁踢晒腳也!
做人駛唔駛咁仁慈呀, 對人仁慈, 即係對D香港人殘忍也!鬼叫佢墨西哥做咗疫埠!咪累人累物啦!大佬!死人嫁!而家玩牙?
而家大家都聞墨西哥色变!據說即日開始, 全港麵飽鋪都唔整墨西哥飽賣了!費事嚇親大家啦!
信不信由你!嘻嘻!
回應
(0)
我要發表