抗疫笑談 4
2009/05/07 01:57:24
網誌分類:
時事
今次豬流感令人最開心的, 原來是不用戒食豬肉!因為都唔關豬哥哥事!唔會豬傳人, 只會人傳豬!叫D豬避開人就得矣!尤其是墨西哥人!D人改名都唔知用乜準則, 豬流感 改叫墨西哥流感 就差唔多!起碼知避開D墨西哥來客也!
需知唔准食豬肉, 即係冇义燒食!义燒對中國人真係好鬼緊要!君不見D老媽子鬧D衰仔: 生舊义燒好過生你! 可知义燒的意義!
而豬潤肉丸粥就係黄SIR至愛, 黄SIR周不時去高山聽歌, 必走到附近果間七喜粥麵鋪, 整番碗豬潤肉丸粥歎吓!認真滋味也!
至於黃SIR細時食慣的家常小菜, 蝦醬蒸五花腩, 東坡肉, 仲有一味麵醬五花腩,好味到諗起都流口水!配合一碗熱飯, 真係千金難買也!
食豬肉最好食半肥瘦, 肥豬肉的油在口中的感覺, 真係難以形容也!唔知大家仲記唔記得有種叫金銀潤的食物, 內中一大片肥豬肉, 外包好像豬潤色的皮, 在飯面蒸熟, 好鬼死香口!似乎臘肉都係用豬肉製造者也!火腿吖!又係用豬腿做!午餐肉, 又係豬肉!
所以如果一旦唔俾食豬, 真係乜鬼人生樂趣都冇晒矣!
黄SIR最鍾意係 : 眼光光, 飲咗豬肉湯!
冇豬肉, 又點煲豬肉湯呢?
似乎H1N1甲型流感個名, 就令人少咗好多想象空間矣!
係嘛?嘻嘻!
回應
(0)
我要發表