港職聯行得通嗎?
羅傑承上月拋出港職聯方案,而足總主席梁孔德亦借傳媒表示太多問題未解決,難度甚高。
其實甲組或港職聯都只是一個稱呼,球市問題是球隊搞手的專業態度,資金流向以及持續投入。
有一點各位讀者要清楚,就是足總是香港在國際足協及亞洲足協唯一被承認的香港代表,就算有港人有大量資金或熱忱,都不可能繞過足總去搞職業足球,否則就會冒被國際足協及亞洲足協杯葛之險。
除班費及資助兩個大問題之外,香港足運長期受場地問題困擾。就算有多位熱心班主人人一擲千金去搞,難道場場也在大球場捱貴租嗎?目前香港甲組隊伍,不少是一個班主搞一兩隊,其實也克服了廿一世紀初甲組只得八九隊的問題(更有香港○八濫竽充數)。如今再將隊伍縮少,來來去去都是熟悉面孔對壘,球迷也不會多。
球市另一個癥結是有貨比貨,以前無英超歐聯直播,當然會睇精工對寶路華,宜家英超場場播,歐聯勁到爆,南華連亞協盃也未必打到入八強,又怎能寄望球市回復當年呢?
搞真正港職聯應在香港全盛的七八十年代,錯過了好時機,點搞都冇用。
如果有得賭, 馬會抽番啲出來資助足總, 那又如何呢?