恒指/道指 (3/6/2009)

人人都預左恒指初試大位一定企唔到, 會回調整固, 所以尋日港股大跌散戶都好冷靜, 採取觀望態度, 如果大鱷想高位派貨, 就唔會插散個市, 現時股市氣氛熾熱, 大鱷應該會係d支持位托住, 令到大市跌左都識得走番上黎, 俾人有跌唔落既感覺, 以吸引散戶接貨.

六月份股市會大幅波動, 極為反覆, 係投機者天堂, 只要係進場前定好止賺止蝕位, 就可以炒個不亦樂乎, 不要忘記六月底係基金半年結, 相信基金經理唔會俾港股大插住.

dai dai Sir 分析: (3/6/2009)

6月8日道指成份股有變，思科取代通用，Travellers替代Citi，到時道指會炒上9000點以上，恆指到時應該唔會太差。

金兄分析: (2/6/2009)

最好18150左右那個裂快速補回再拉升，解除下跌威脅。

杜指係用簡單加數將今日股價加起來比較昨天的股價計升幅。由於換出弱勢股通用及花旗，換入大價強勢股，杜指升幅會加大。今次回調好友如上衝上兩萬大關，必會重兵守住18183，就算即日跌破，收市亦會反攻。大市要跌穿17590才偏淡。美股有一浸浸炒上之勢，恆指係跟美股，唔係跟A股，大市未轉勢，造淡的熊仔一定要轉身快，即市高位沽，要盡快搵位食胡，搵熊仔陪過夜係高危動作。

3/6/2009 4:30pm 收市評論。今日下午期指好友大戶力攻，創近期新高18934，只差66點就破萬九大關，好友大戶似乎實力依然較強。淡友大戶在下午3點全力沽貨，非常積極，但始終無法插穿昨日低位。明天的開市位將會好關鍵，必有惡鬥，淡友要再造多一支陰燭引發沽盤，開市位唔會太低，然後力沽，相反，好友會想做一支大陽燭營造見底反彈，開市必然首先拉低接近萬八點，然後抽高收市。明天牛熊大戰會好精彩，請繼續收看。

~~~~~~~~~~~~~~~~

3/6/2009 (即市報導)

隔晚道指走勢牛皮, 窄幅上落, 收市升19點, 收報8740

恒指高開227點(報18616)後持續上揚, 中午收市升419點, 收報18808, 國企高開93點(報10730)後持續造好, 中午收市升292點, 收報10930, 開市競價時段成交金額比上兩日大幅縮減至24億, 半日成交金額449億, 各個板塊升幅全面

港股半日成交金額449億 ~ 本週二 547億(大跌499點), 本週一  533億(大升717點), 上週五  453億(升285點), 上週三  494億(大升893點), 上週二  317億(跌130點), 上週一  311億(升59點), {(22/5  370億(跌136點), 21/5  353億(跌276點), 20/5  433億(跌 68點), 19/5 508億(大升 521點), 18/5  327億(升 232點)}

恒指收市升187點, 收報18576, 國企收市升187點, 收報10825, 午後受內地股市造好帶動, 恒指曾一度上升578點(報18967), 尾市急跌, 港股以接近全日低位收市, 匯控沽壓沉重, 港股全日成交金額906億

港股尾市急轉直下, 期指大幅低水逾200點, 歐洲股市開市初段下挫

國內股市造好, 上A升穿2900點大關口

開市競價時段成交金額比上兩日大幅縮減至24億 (週二43億, 週一51億)

恆生銀行在《亞洲貨幣》雜誌(Asiamoney)主辦的「最佳銀行大獎」中，再度榮膺「香港最佳本地銀行」, 本地銀行股造好

波羅的海乾散貨指數連升22天, 昨晚急升 11.5%, 收報 4106 點, 輕易破了 4000 點大關口,  升穿 250 天線, 航運股受追捧

商品價格造好，令資源股受到追捧

銀監批內地金融混業經營, #3328 交通銀行等已率先獲保險牌, 內銀股今早全線造好, 交通銀行入股中保康聯人壽保險的計劃，已獲中保監與中銀監批准

人民幣外匯即期詢價交易淨額清算業務於本周一成功試運行，並選定#939建設銀行、#3988中國銀行作為淨額清算業務的外匯結算銀行。此外，#3328交通銀行則被選為外匯結算備份銀行，#1398工商銀行為保證金結算銀行。

本週五恒指成份股比重調整, 6月8日(下週一)正式生效: 加入 #836華潤電力, 剔出 #551裕元, 匯控由供股後 20% 回復至 15%, #941中移.#1398工行.#939建行增加比重

#836 華潤電力宣布，旗下橋灣第一風電場及達濠風電場已獲中國政府核准；另旗下成田風電場已於3月25日投入商業運營